Ish-Princi britanik Andrew, vëllai i Mbretit Charles III, i cili ra nga froni dhe u arrestua (por u lirua shpejt) disa ditë më parë si pjesë e një hetimi që synonte të përcaktonte natyrën dhe thellësinë e lidhjeve të familjes mbretërore britanike me financierin e dënuar për pedofili Jeffrey Epstein, ka shpenzuar mijëra paund për masazhe dhe dhjetëra mijëra të tjera në shpenzime të tepërta udhëtimi të rimbursuara nga xhepat e taksapaguesve britanikë.
Akuzat e reja u publikuan nga BBC dhe thuhet se janë bërë nga ish-zyrtarë të lartë të qeverisë britanike. Duke folur në kushte anonimiteti, një nëpunës civil, tani në pension, tha se është përballur vazhdimisht me raportime për shpenzime të tepërta në lidhje me udhëtimet e supozuara të punës të Andrew Mountbatten-Windsor gjatë mandatit të tij si i Dërguari Special i Britanisë për Tregtinë nga viti 2001 deri në vitin 2011.
Punonjësi i qeverisë britanike tha se ishte i bezdisur nga kërkesa e Andreë për të mbuluar koston e “shërbimeve të masazhit ” dhe madje refuzoi t’i rimbursonte ato.
“E bëra të qartë se nuk kishim nevojë të paguanim, por drejtuesit e ministrisë më anashkaluan dhe fatura u zgjidh me para publike gjithsesi.“, tha ai.
Ish-zyrtari fajëson eprorët e tij për këtë vendim, të cilët nxitën një lloj “kulture respekti ” ndaj ish-princit.
Një burim i dytë, duke folur për BBC-në, thuhet se i ka shqyrtuar disa herë kërkesat e Andrew-t për shpenzimet e udhëtimit. Ai rrëfeu se nuk kishte “asnjë dyshim” për vërtetësinë e akuzave kundër ish-Dukës së Jorkut.
Kërkesat për rimbursim të tepërt thuhet se përfshinin kostot e fluturimeve, dhomat e hoteleve dhe pagat e shoqëruesve të Andrew-t, numrin e të cilëve dhe kush ishin në shoqërues, dhe nuk ishte e qartë.
“Nuk mund ta besoja. Duket sikur nuk ishin para të vërteta, por ata nuk po shpenzonin paratë e tyre në atë kohë.”, theksoi burimi.
© Panorama.al
