Ukraina duhet të krijojë ” NATO-n ” e saj nëse vendi nuk pranohet në Aleancën Euroatalantike, tha Volodymyr Zelensky përmes një postimi në platformën X, në trevjetorin e pushtimit rus.
“NATO është alternativa më efektive për të parandaluar një luftë të re. Është zgjidhja më e thjeshtë dhe më logjike”, shkroi presidenti ukrainas, i cili vazhdoi duke iu referuar “planit B” për vendin e tij në rast se Ukraina nuk i bashkohet Aleancës.
“Nëse Ukraina nuk i bashkohet NATO-s , ne do të na duhet të krijojmë NATO-n brenda Ukrainës, që do të thotë të mbajmë një ushtri mjaft të fortë për të zmbrapsur sulmin, financimin e tij, prodhimin dhe grumbullimin e mjaftueshëm të armëve tona dhe negocimin me partnerët tanë për pjesëmarrjen e tyre për të parandaluar Rusinë të nisë një luftë tjetër. Kjo është arsyeja pse ne po flasim për një sistem gjithëpërfshirës të garancive të sigurisë – ushtarake, ekonomike dhe politike. Ne duhet të peshojmë gjithçka – çfarë është më e lirë, çfarë është më realiste dhe çfarë mund të bëhet më shpejt. Unë jam mirënjohës për të gjithë ata që mbështesin Ukrainën në punën tonë për sigurinë e vërtetë,” shtoi Zelensky.
NATO is the most cost-effective option for preventing another war. It is the simplest and most logical solution.
If Ukraine does not join NATO, we will have to create NATO within Ukraine, which means maintaining an army strong enough to repel aggression, financing it, producing…
— Volodymyr Zelenskyy / Володимир Зеленський (@ZelenskyyUa) February 23, 2025
Ditën e djeshme presidenti ukrainas Volodymyr Zelensky tha se është i gatshëm të heqë dorë nga posti i tij nëse kjo do të thoshte paqe në Ukrainë dhe shtoi se ai do ta shkëmbente largimin e tij nga detyra me hyrjen e Ukrainës në NATO.
“Nëse një gjë e tillë (kjo do të thoshte) paqe për Ukrainën, nëse vërtet mendoni që është e nevojshme që unë të largohem nga posti, unë jam gati,” tha Zelensky kur u pyet gjatë një konference për shtyp a do të ishte gati të largohej nga posti nëse kjo do të thoshte një arritje e paqes.
“Do ta këmbeja këtë menjëherë me një (anëtarësim) në NATO, nëse është ky kusht, menjëherë”, shtoi presidenti.
Kujtojmë se presidenti amerikan Donald Trump, ka këmbëngulur që në Ukrainë të zhvillohen zgjedhjet, duke e quajtur Zelensky një “diktator”, mesa duket një referencë ndaj faktit që mandati zyrtar pesëvjeçar i udhëheqësit ukrainas përfundoi zyrtarisht në vitin 2024.
© Panorama.al
