Një person u arrestua në Suedi nën dyshimin për spiunazh, pasi akuzohet se punonte për Rusinë, njoftoi sot prokuroria e vendit nordik.
Shtetasi suedez, i cili sipas forcave të armatosura punonte ose kishte shërbyer në ushtri, u arrestua zyrtarisht të mërkurën.
“Në këtë kohë, hetimi tregon se i dyshuari ka ndihmuar shërbimet e inteligjencës ruse”, tha prokurori Mats Ljungqvist në një deklaratë sot (9 janar).
Prokurorët thanë të mërkurën se dyshonin se burri kishte spiunuar nga janari 2025 deri në arrestimin e tij më 4 janar, pa dhënë detaje të mëtejshme.
33-vjeçari i ka mohuar akuzat kundër tij.
© Panorama.al
