Ministri i Arsimit në qeverinë e kryeministrit indian Narendra Modi, Dharmendra Pradhan, ka dhënë dorëheqjen nga detyra pas protestave masive të të rinjve indianë, të cilët kërkonin largimin e tij nga posti.
Pradhan njoftoi dorëheqjen përmes platformës “X”, pak pasi policia indiane përdori gaz lotsjellës ndaj protestuesve të rinj në Nju Delhi dhe vetëm disa orë para se përfaqësuesit e tyre të zhvillonin një raund të ri bisedimesh me ministrat e qeverisë Modi.
Lajmi për dorëheqjen e ministrit u prit me festime nga protestuesit në rrugët e kryeqytetit indian.
Një përfaqësues i Partisë Popullore të Buburrecave, e cila ka pasur një rol drejtues në lëvizjen e protestës të nisur pas një tjetër skandali me rrjedhjen e tezave të provimeve kombëtare, deklaroi se nëse ministri i Arsimit ka dhënë dorëheqjen, kjo është “diçka e mirë”, por shtoi se deri në atë moment nuk kishte ende një njoftim zyrtar nga qeveria.
Protestat shpërthyen pas akuzave për rrjedhje të materialeve të provimeve kombëtare, duke nxitur zemërim të gjerë te të rinjtë indianë dhe kërkesa për përgjegjësi politike.
© Panorama.al
