Deputejta e Kosovës, Adriana Matoshi, zbuloi dje se i është rikthyer pas nëntë vitesh tumori në kokë. Me anë të një postimi në “Faceebook” ajo tregoi se ditën e mërkurë do t’i nënshtrohet një operacioni, nga i cili shpreson të dalë shëndoshë e mirë.
Mbrëmjen e djeshme ka reaguar edhe i dashuri i Adrianës, Keith Groeneveld. Futbollisti afrikan, i cili është 19 vite më i vogël se artistja, publikoi në Instastory një video në të cilën shfaqet krah Adrianës.
“Nuk ka nevojë për fjalë Adriana Matoshi”, shkroi futbollisti krahas videos.
Ndërkohë, rreth një muaj më parë, Keith i bëri një dedikim Adrianës në Intsagram. Ai publikoi një foto bardh e zi krah saj, në të cilën shkruante:
“Dashuria ime! Nuk ka fjalë ta përshkruaj çfarë je ti për mua. Gjithçka dua të them është faleminderit që erdhe në jetën time. Shpresoj ta shohim njëri-tjetrin së shpejti përsëri dhe të krijojmë më shumë kujtime të paharrueshme. Të dua!”.
Adriana qëndroi krah partnerit të saj pavarësisht paragjykimeve rreth ngjyrës së lëkurës dhe moshës së Groeneveld. Aktorja ka treguar më parë se ka marrë edhe aprovimin e katër fëmijëve të saj, për të nisur një lidhje me Keith.
