Formave trupore të Iriada Shahollarit nuk i rezistoi dot as Bajo Qamo, i cili mundohej të kishte kontakt fizik me të gjatë gjithë kohës. Kjo u vu re që në pjesën e parë të takimit të tyre dhe nuk kaloi pa u komentuar në studio.
Mikela Pupa ishte një nga konkurrentet që vendosi të japë mendimin e saj në lidhje me sjelljen e Bajos, i cili nuk ndalonte dot së komlimentuari Iriadën. Një pjesë e konkurrentëve në studio e cilësuan si “të marrosur” Qamon pas Iriadës.
Pjesë nga debati:
Mikela Pupa: Paske qenë i përvëluar more djalë, s’e dinim!
Bajo Qamo: Po s’mund të jem i përvëluar për Adën, thjesht gjithë ato vepra që bëra për Adën janë edhe pasqyrimi i këtij takimi. E pëlqej Adën, më shkakton shumë emocion, një emocion më vete.
Mikela Pupa: Ty po të dilnin jargët aty more!
Bajo Qamo: Ajo pjesa e jargëve nuk m’u duk e hijshme. Mund të ketë një mënyrë tjetër të të shprehuri. Se kjo pjesa e jargëve është shumë e shëmtuar.
Mikela Pupa: Ishe shumë i dhënë ndaj Adës, ndërkohë që Ada stepej gjatë gjithë kohës. Ishe tepër i marrosur pas saj. Kërkoj ndjesë për pjesën e shprehjes.
