Anna Kournikova dhe Enrique Iglesias kanë mirëpritur fëmijën e tyre të tretë.
Çifti janë prindër edhe të binjakëve 2-vjeçarë Lucy dhe Nicholas.
Ishte vëllai i këngëtarit spanjoll, Julio Iglesias Jr që konfirmoi lajmin gjatë një interviste për stacionin radiofonik ADN.
Kur u pyet në lidhje me thashethemet nëse ishte bërë sërish xhaxha, ai tha: “Po, tashmë jam bërë.”
Ndërsa pyetjes nëse foshnja ka lindur, iu përgjigj: “Po.”
Por refuzoi të përgjigjej nëse foshnja është djalë apo vajzë.
“Është sekret. Vëllai im tani ka tre fëmijë dhe është shumë i lumtur,”– u shpreh Julio.
Çifti ka vendosur ta mbajë lajmin tërësisht larg medias.
Madje ata nuk njoftuan as shtatzëninë e Annës. Kjo u zbulua vetëm kur këngëtari dhe bashkëshortja e tij u fotografuan në një varkë në Miami, ku dukej barku i saj i rrumbullakosur.
Por nuk është surprizë që çifti e mbajti të fshehur lajmin, pasi edhe kur mirëpritën në jetë binjakët u treguan shumë të fshehtë.
© Panoramaplus.al
