Një incident i rëndë i ka ndodhur këngëtarit të njohur kolumbian, Maluma në koncertin e tij të fundit në Shtetet e Bashkuara të Amerikës.
Teksa po performonte në skenë këngët e tij, artisti u godit me patericë nga një prej të pranishmëve në turmë.
Koncerti u ndërpre për disa minuta por fatmirësisht këngëtari nuk u lëndua dhe filloi sërish shfaqjen.
Në videon që po bën xhiron e rrjetit duket qartë Maluma i cili mori në dorë patericën dhe shikoi me mosbesim pjesmarrësit në koncert, mirëpo nga ana tjetër ende nuk dihet motivi i aktit të fansit.
Megjithatë kjo nuk është hera e parë që këngëtarët janë sulmuar nga pjesmarrësit gjatë performancës në skenë, ku ndër ta është edhe Bebe Rexha, Pink, Ava Max, Cardi B.
Disa nga fansa dhe kolegë e artistit përmes disa komenteve në rrjetet sociale kanë kanë shprehur shqetësimin e tyre për sulmet e fansave ndaj këngëtarëve, me fokus tek Maluma.
Një përdorues i X (Twitter) shkroi: “Një tjetër incident i sëmurë. Tifozët kthehen te sulmuesit.”
Ndërsa një tjetër shtoi: “Kjo është e neveritshme. Ju lutemi, ndalojeni.”
“Që kur është normale t’u hedhim gjëra artistëve teksa performojnë në skenë? A mund ta ndalojmë normalizimin?”– tha një fans i këngëtrit.
Reperi aktualisht është duke udhëtuar në Shtetet e Bashkuara për turneun e tij botëror “Don Juan”. Ai nisi një qëndrim në 30 qytete në SHBA më 31 gusht.
© Panoramaplus.alSomeone threw a crutch at Maluma during a recent concert. pic.twitter.com/UbA9W7JLpC
— Pop Base (@PopBase) September 11, 2023
