Princeshë Diana shpërtheu në lot kur pa shpifjet ‘krejtësisht të pabaza’ dhe false nga Martin Bashir se Princi Charles kishte një lidhje me dadon e William dhe Harry-t, zbuloi së fundmi mikesha e Princeshës së Uellsit.
BBC i ka paguar rreth 200,000 £ dados së familjes mbretërore Tiggy Legge-Bourke ndërsa Tim Davie, drejtori i përgjithshëm, gjithashtu i kërkoi një falje publike asaj, si dhe Princit të Uellsit dhe djemve të tij.
Në një deklaratë zyrtare, nga BBC dhe ish-dadoja , thuhet se kjo e fundit ishte viktimë e akuzave ‘shumë serioze dhe krejtësisht të pabaza’ se ajo kishte një lidhje me Charles që kishte rezultuar në një shtatzëni të ndërprerë. Këto pretendime, thuhej në deklaratë, ishin ‘fabrikuar’ dhe një sërë pretendimesh të rreme e kishin lënë ish-dadon ‘jashtëzakonisht të mërzitur dhe konfuze’.
Ish-shoqja e Dianës, Simone Simmons, tha për The Sun: “Zemra ime shkon me Tiggy-n. Më kujtohet kur Diana më tha se e kishte nga autoriteti më i lartë që Charles kishte një lidhje dhe Tiggy kishte mbetur shtatzënë. Fytyra e saj u bë e trishtë dhe ajo shpërtheu në lot. Diana ishte shumë e zemëruar me Charles dhe u tha djemve të mos flisnin me Tiggy. Diana vdiq duke besuar se kjo ishte e vërtetë. Nëse ajo do të ishte gjallë tani, ajo do të kërkonte tmerrësisht falje. Por Bashir e bëri atë paranojake për gjithçka dhe për këdo. Ishte një nga mashtrimet më të mëdha të luajtura ndonjëherë’.
BBC pagoi dje shumën e majme për ish-dadon mbretërore, e cila iu nënshtrua akuzave “krejtësisht të pabaza” nga Martin Bashir.
Një gjykatë kishte dëgjuar se zonjusha Legge-Bourke pësoi dëme të konsiderueshme dhe u mërzit për 25 vjet si rezultat i “pretendimeve të rreme dhe dashakeqe”. Edhe pse ai nuk u përmend në seancë, pretendimet e rreme thuhet se janë bërë nga Bashir ndërsa punonte në një intervistë në BBC Panorama me Princeshën Diana.
Zonja Legge-Bourke tha se ‘narrativa e rreme’ e krijuar nga programi kishte ‘përndjekur’ familjen mbretërore që kur u transmetua në vitin 1995. Dje Earl Spencer përsëriti thirrjen e tij për akuza penale në lidhje me skandalin e Princeshës Diana – ndërsa BBC publikoi një falje për mënyrën ‘tronditëse’ se si Martin Bashir mori intervistën famëkeqe.
Shefi i korporatës Tim Davie u zotua se nuk do ta shfaqte më programin pasi çështja e nisur nga ish-dadoja mbretërore Tiggy Legge-Bourke për shpifjet e bëra nga gazetari mashtrues përfundoi.
Transmetuesi pranoi t’i paguante asaj dëmshpërblim të konsiderueshëm në përgjigje të pretendimeve të ‘fabrikuara’ se ajo kishte pasur një lidhje me Princin e Uellsit ndërsa punonte si asistente personale e Charles në 1995. Bashir thuhet gjithashtu se e ka mashtruar Dianën që të besonte se dadoja kishte mbetur shtatzënë me Charles duke i treguar asaj një raport të falsifikuar të abortit.
Vëllai i princeshës, Earl Spencer, ka kërkuar prej kohësh ngritjen e akuzave penale, por Scotland Yard tha se nuk do të nisë një hetim pas vlerësimit të raportit të Lord Dyson në dokumentar.
Ai bëri një thirrje, ndërsa tha: “Ndërsa jam i kënaqur që shoh se një viktimë tjetër e pafajshme e këtij skandali të tmerrshëm po shfajësohet, është e mahnitshme për mua që ende nuk është ngritur asnjë akuzë penale kundër atyre që janë përgjegjës”.
Avokati i zonjushës Legge-Bourke, Louise Prince, i kishte thënë më parë gjykatës se akuzat shkaktuan ‘pasoja të rënda personale për të gjithë të përfshirët.’
Prince tha se zonja Legge-Bourke nuk e kishte ditur burimin e akuzave gjatë 25 viteve të fundit, por tani kishte të ngjarë që “akuzat e rreme dhe dashakeqe të lindën si rezultat dhe në kontekstin e përpjekjeve të BBC Panorama për të siguruar një intervistë ekskluzive me Dianën, Princeshën e Uellsit. Drejtori i përgjithshëm i korporatës, zoti Davie i kërkoi një falje publike Charles, William dhe Harry-t, si dhe vetë Miss Legge-Bourke “për mënyrën se si u mashtrua Princesha Diana dhe ndikimi i mëvonshëm në të gjithë jetën e tyre”.
Ai u pajtua me komentet e bëra më parë nga Duka i Kembrixhit se BBC ‘dështoi të bënte pyetje të vështira’ dhe pranoi se ishte ‘një çështje keqardhje e madhe’ që shefat ‘nuk arritën te faktet’. Zoti Davie u zotua të mos shfaqë më kurrë programin Panorama, ose të sigurojë të drejtat për transmetuesit e tjerë, duke shtuar: ‘Po ta kishim bërë punën tonë siç duhet, Princesha Diana do ta dinte të vërtetën gjatë jetës së saj.
© Panoramaplus.al
