Supermodelja Emily Ratajkowski ka akuzuar këngëtarin Robin Thicke, se e ka ngacmuar seksualisht gjatë xhirimit të klipit të këngës së tij “Blurred Lines”.
Sipas “Sunday Times of London”, në librin e ri të shkruar prej saj, Ratajkoëski tha se Thicke i kapi gjoksin gjatë kohës që ajo ishte e zhveshur.
“Papritur, nga askund, ndjeva ftohtësinë e duarve të një të huaji që më kapnin gjoksin tim të zhveshur. U largova instinktivisht, duke parë Robin Thickie,“- shkruan Ratajkoëski në librin “My Body”, i cili do të dalë muajin tjetër.
Thicke me sa duket ka qenë i dehur, prandaj filloi të sillej në mënyrë të vrazhdë.
“Shmanga kontaktin me sy. U ndjeva e poshtëruar! Unë nuk reagova, ashtu siç duhet të reagoja,”– shtoi supermodelja.
Sipas raportit, drejtoresha Diane Martel konfirmoi incidentin. Ajo tha:
“Mbaj mend momentin kur ai kapi gjoksin e saj. Të dy po qëndronin në profil dhe ai ishte pas Emily-t. Bërtita me zërin tim agresiv: ‘Çfarë po bëni? Kaq ishte! Xhirimet mbaruan!’“.
Martel tha se Thicke kishte pirë, prandaj i kërkoi falje dhe më pas u pendua.
“Unë nuk mendoj se ai do ta kishte bërë këtë po të mos ishte i pirë,“- shtoi ajo.
