Atdhe Xharavina dhe Sara Malaj i dhanë fund njohjes së tyre vetëm pak javë pasi dolën bashkë nga programi i dashurisë “Për’puthen”.
Mbrëmjen e djeshme, teksa ishte i ftuar në “Top Arena”, djali nga Kosova tha se nuk do të ketë më kurrë një lidhje mes tij dhe Sarës, por i uroi shumë suksese në jetë.
“Thjesht i dëshiroj suksese në jetë, s’kam qejf ta shoh keq. Nuk do të ketë asnjëherë një rikthim me të, edhe nëse më kërkon falje, sepse nuk ka pse kërkon falje”,- u shpreh Atdheu.
Ndërsa në lidhje me prishjen e shoqërisë me Andi Artanin, Atdheu tha:
“Janë ndarë rrugët tona. Nuk më kanë pëlqyer disa gjëra që i ka bërë ‘non stop’, ai mbase nuk e ka kuptuar. S’ka rëndësi çfarë ka bërë, është e kaluar”,- u shpreh ai.
Ndërsa i pyetur nëse është penduar për diçka nga rrugëtimi i tij në programin e dashurisë, Xharavina tha:
“Janë dy gjëra për të cilat pendohem në ‘Për’puthen’. Atë që e nxora me ty (Antonelën) dhe për rikthimin tim. I kërkoj falje mamit tim, familjes time. Nuk kam pasur kohë që t’i përkushtohem shumë, sidomos mamit dhe tani do t’i përkushtohem më shumë (përlotet)”,- tha ai.
