Ish-ylli i serialit të njohur ‘Hannah Montana’, Mitchel Musso ka reaguar pas lajmeve se ai ishte arrestuar gjatë fundjavës me akuza për vjedhje dhe dehje publike.
Aktori 32-vjeçar, i njohur për rolin e Oliver Oken në serialin e Disney Channel, i ka hedhur poshtë me forcë të dyja akuzat.
“Nuk ka pasur asnjë vjedhje, dhe unë nuk kam qenë i dehur,” i tha ai PEOPLE të mërkurën.
“Ishte për të ardhur keq, një keqkuptim i madh.”
Çfarë ndodhi me Mitchel Musso?
Musso u arrestua të shtunën në mbrëmje në Rockëall, Teksas, bazuar në pretendimet për dehje publike dhe vjedhje, sipas një deklarate zyrtare të lëshuar nga Departamenti i Policisë Rockwall.
Forcat e rendit iu përgjigjën një telefonate 911 të bërë rreth orës 19:15 nga një individ i cili raportoi një shqetësim në SpringHill Suites Dallas Rockwall.
Telefonuesi tregoi se një person tjetër kishte hyrë në hotel dhe kishte filluar të konsumonte një qese me patatina.
Kur iu kërkua të paguante për ushqimet, ky individ dyshohet se është konfrontuar verbalisht dhe ka dalë nga ambienti pa shlyer falurën.
Mirëpo Musso ka treguar se ngjarja ka qenë ndryshe. Sipas llogarisë së tij, pasi kaloi afërsisht katër orë duke u bërë ‘surfing’ në liqenin Ray Hubbard afër Dallasit, ai hyri në hotel pa këmishë, i veshur vetëm me pantallona të shkurtra.
“Ky punonjës, sjellja e të cilit ishte e çrregullt, më hoqi qesen me patatina nga dora dhe filloi të më bërtiste për veshjen time,” vuri në dukje Musso .
“Ai tha: “Dil jashtë ose do të telefonoj policinë”.
“Në fund, unë thashë ‘Sigurisht, telefononi policët’.
“E dini, unë jam rritur këtu, kjo është vendlindja ime. Është e frikshme kur je i rrethuar nga 30 policë. Më futën brenda. Nuk kisha absolutisht asgjë për t’i thënë asnjërit prej tyre, sepse e dija se çfarë po ndodhte. Më thërrisnin me emrin tim. Ata e dinin saktësisht se kush isha, sepse është vendlindja ime. Njerëzit më njohin”, tregoi aktori.
