Naya Rivera përdori fuqitë e saj të fundit për të shpëtuar djalin e saj 4-vjeçar para se të vdiste, tha sherifi i Qarkut Ventura, Bill Ayub.
“Ajo kishte energji të mjaftueshme për të rikthyer në varkë djalin e saj por jo aq sa të shpëtonte veten,”– tha Ayub.
Trupi i aktores së njohur, që ishte zhdukur në liqen prej ditës së mërkurë, është gjetur të hënën.
33-vjeçarja mori një varkë me qira dhe doli të bënte xhiro në Liqenin Piru së bashku me djalin.
Fëmija u tregoi hetuesve se hynë për tu larë në liqen por nëna e tij nuk u kthye më kurrë në varkë.
Ai tha se kur ktheu kokën prapa, shikoi Riverën teksa zhdukej nën sipërfaqen e ujit.
Djali u gjet duke fjetur gjumë në varkë nga një anije tjetër. Një jelek shpëtimi u zbulua varkë ndërsa djali mbante veshur një tjetër.
Trupi i saj u gjet duke lundruar në zonën verilindore të liqenit, ku thellësia e ujit arrit 10 deri në 18 metra.
Ayub tha se hetuesit janë “të sigurt” se trupi i gjetur ishte i aktores.
Aktorja fitoi famë me rolin e saj si Santana Lopez në filmin “Glee”.
/Panoramaplus.al
