ChrIs Rock e përshkroi Will Smith si një person “po aq të shëmtuar sa të gjithë të tjerët”.
Komediani i cili tashmë ndodhet në një turne në Mbretërinë e Bashkuar së bashku me Dave Chappelle e bëri komentin gjatë një shfaqjes kur Chappelle e pyeti për shuplakën që tronditi ‘Oscars’.
“A nuk dhemb kjo?” Chappelle e pyeti ai pa ngurruar aspak.
“Dreqin ke të drejtë… mother fu*ker më goditi për një shaka, shakaja më e bukur që kam thënë ndonjëherë,” u përgjigj Rock.
‘Will kishte lënë përshtypjen e një personi të përsosur për 30 vjet, por ai hoqi maskën e tij dhe na tregoi se ishte po aq i shëmtuar sa ne të tjerët,” vazhdoi ai.
“Cilatdo qofshin pasojat… shpresoj që ai të mos e vendosë përsëri maskën dhe ta lërë fytyrën e tij të vërtetë të marrë frymë. Unë e shoh veten tek të dy burrat.”
Aktori po i referohej incidentit që mori vëmendjen e gjithë botës në çmimet e Akademisë 2022 në mars, kur Smith, i cili fitoi çmimin si aktorin më të mirë për filmin “King Richard” më vonë atë mbrëmje, Will goditi Rockun pas shakas për kokën e rruajtur të gruas së tij Jada Pinkett Smith.
Pinkett Smith, e cila vuan nga alopecia , nuk e priti aspak mirë kur dëgjoi Rokun duke e quajtur “GI Jane”. Kjo e shtyu Smithin të dilte i acaruar në skenë dhe të godiste me shuplakë Rock-un ku më pas shpërtheu dhe me sharje pasi ishte ulur.
Ylli kërkoi falje një ditë pas ndarjes së çmimeve të Akademisë.
“Isha jashtë linjës dhe gabova”, shkroi ai në një mesazh të shpërndarë në rrjetet sociale. “Jam në siklet dhe veprimet e mia nuk treguan njeriun që dua të jem. Nuk ka vend për dhunë në një botë dashurie dhe mirësie.”
Në korrik, aktori, i cili ishte kritikuar se nuk i kërkoi falje drejtpërdrejt Rock-ut, iu drejtua ish-mikut të tij në një video.
“Unë kontaktova me Chris dhe përgjigja që mora është se ai nuk është gati të flasë, por kur të jetë, ai do të kontaktojë,” tha Smith në një video të postuar në YouTube. “Unë dua të të kërkoj falje Chris. Sjellja ime ishte e papranueshme dhe unë jam këtu sa herë që jeni gati për të folur.”
Ai gjithashtu i kërkoi falje nënës dhe vëllait të aktorit, Tony Rock.
“Kjo ishte një nga gjërat në atë moment që nuk e kuptova,” vazhdoi ai. “Nuk po mendoja se sa njerëz u lënduan në atë moment. Dua t’i kërkoj falje nënës së Chris, familjes së Chris, veçanërisht vëllait të tij Tony Rock.
“E di që ishte konfuze. E di që ishte tronditëse, por ju premtoj se jam thellësisht i përkushtuar për të vendosur dritën, dashurinë dhe gëzimin në botë,” përfundoi ai.
Shuplaka e çoi Smith në dorëheqjen nga Akademia dhe një ndalim 10-vjeçar nga të gjitha ngjarjet e organizatës.
