Këngëtari i njohur, The Weekend, e ka ndryshuar emrin artistik në rrjetet sociale dhe është kthyer në emrin e tij të vërtetë, Abel Tesfaye.
Ylli i muzikës pop muajin e kaluar i ka pyetur fansat në Twitter për mendimin e tyre për këtë ndryshim në karrierën e tij.
Ndryshimi i emrit vjen pasi fituesi i shumë çmimeve tha për mediat se nuk dëshiron të njihet nga emri i artit. Ai më parë është shprehur se e mori pseudonimin si adoleshent kur la shkollën një fundjavë dhe nuk u kthye më.
Po vij në një vend dhe një kohë ku jam gati të mbyll kapitullin e emrit artistik ‘The Weeknd’. Si Weeknd, kam thënë gjithçka që mund të them”- shprehet ai
33-vjeçari, i lindur në Toronto nga një familje emigrantësh etiopianë, u bë i famshëm pasi ngarkoi këngët e tij të para në YouTube në vitin 2010, duke treguar anën e errët të muzikës R&B.
Gjatë karrierës ka fituar katër Grammy, ka më shumë se 45 këngë dhe albume platini, ndërsa në mars 2023, Libri i Rekordeve Guinness e shpalli atë artistin më të njohur në botë për shkak të numrit të dëgjuesve mujorë që ka në Spotify.
© Panoramaplus.al