Britney Spears ka deklaruar se babai i saj po mundohet t’i zhvasë një pjesë të pasurisë e për këtë arsye po mundohet ta zgjasë sa më shumë nënshkrimin e marrëveshjes që të largohet përfundimisht si kujdestar i saj, raporton “Page Six”.
Avokatët e këngëtares paraqitën të hënën në gjykatë dokumente sipas së cilavese babai i saj ka kërkuar rreth 2 milion dollarë si kusht për t’u tërhequr nga marrëveshja e kujdestarisë 13-vjeçare.
“Britney Spears nuk do të zhvatet nga babai i saj,”- tha avokati Mathew Rosengart në një deklaratë. “As zoti Spears nuk ka të drejtë të përpiqet të mbajë peng vajzën e tij duke vendosur kushte për largimin.”
Tashmë Jamie mund të detyrohet nga Gjykata që të humbasë kontrollin e financave të Britneyt.
Jamie ka pohuar se i duhen para nga vajza e tij për të paguar avokatët dhe agjentët. 68-vjeçari mori kontrollin e pasurisë së Spears prej 60 milionë dollarësh në vitin 2008.
Britney, 39 vjeç, ka thënë se marrëveshja e kujdestarisë ishte abuzive, pasi është detyruar të marrë drogë, të mos lindë fëmijë sipas dëshirës së saj dhe të vepronte kundër vullnetit të saj.
