Postimi i fundit i Fifit në llogarinë e sja në Instagram i ka shqetësuar të gjithë ndjekësit e këngëtares, pasi ajo duket shumë e lënduar.
Artistja ka filmuar veten gjatë kohës që këndon një pjesë nga kënga “Jetike” e Semi Jaupaj, por nuk mban dot lotët.
Ndonëse nuk e ka treguar arsyen pse disa rreshta të kësaj kënge e prekin në shpirt, Fifi ka shkruar krahas videos se lotët e çlirojnë nga mërzia dhe trishtimi.
“Bash me rruazat e gjakut me qajt, bash pa e pas n’plan e as nevojë me ta mbledh një lëmsh te fyti .. bash qet ndjenjë ma jep.
Tentova plot here me e bo pa lot po prapë ma jep n’zemër.. njëjtë Loti thjesht të çliron. Nuk të lehteson, thjesht kaq…”, shkroi këngëtarja krahas videos.
Pak ditë më parë, gjatë një bisede virtuale me ndjekësit në Instastory, Fifi shkruante se kur vjen puna për të ndryshuar diçka për dashurinë, në mënyrë kategorike nuk do ta bënte, sepse sipas saj, nëse dashuria nuk të pranon si je, atëherë nuk është dashuri. Por, për dashurinë mund të kishte sakrifikuar diçka.
