Luljeta Nallbani tërhoqi vëmendjen e të gjithëve me hyrjen e saj në “Për’puthen 40+”, ku kërkonte një partner ndryshe nga të tjerët për të kaluar jetën.
Që në fillim, ajo tregoi se i pëlqen të udhëtojë shumë, të merret me palestër, të eksperimentojë me look-un e saj dhe pranoi se nuk i bëhet fare vonë për opinionin e të tjerëve.
Kjo sepse, 64-vjeçarja është paragjykuar mjaft për stilin e saj të veshjes, por edhe për lirshmërinë që ka në të folur, sidomos për marrëdhëniet seksuale.
Ndonëse realizoi disa takime në programin e dashurisë, Luljeta nuk arriti ta gjente mashkullin që do t’i “ndizte llambën”, siç ajo vetë ka deklaruar.
E ftuar tek “ABC e pasdites”, Luljeta nga Fieri pranoi se është larguar nga programi, pasi asnjëri prej kandidatëve aty nuk përputhej me të.
Ajo tha se e kishte të pamundur të ishte e pranishme çdo ditë në program pasi i duhej të udhëtonte nga Fieri drejt Tiranës.
Gjatë intervistës, ajo pranoi se ende nuk ka njohur dikë që ta pranojë si partner dhe shtoi me shaka: “Kur s’u martova deri tani, ç’e dua më burrin unë?! Dua të jetoj e lirë!”.
E pyetur nëse deklaratat e forta i ka bërë për shoë apo sepse ashtu është në të vërtetë, Luljeta u përgjigj:
“Mua nuk më ndryshon as programi, as Zoti që është lart nuk më ndryshon. Kështu kam lindur me këtë mendje. Në kohën e Enverit kam marrë fletë rrufe, me pantallona kauboj, flokët e gjata i lyeja me ujë të oksigjenuar, manikyrin e bëja me peçikllaz”.
“S’ta jap”, titulli i këngës së parë që Luljeta publikoi, bëri shumë bujë në media.
64-vjeçarja u shpreh se i referohej “buzës” dhe nuk kishte arsye pse kjo të bëhej kaq e madhe.
© Panoramaplus.al