Roza Anagnosti feston ditëlindjen, urimi special i bashkëshortit të saj: Roza ime…

Aktorja e shquar shkodrane e Teatrit Kombëtar dhe Kinematografisë Shqiptare, Roza Anagnosti feston sot ditëlindjen e saj të 79-të.

Roza Anagnosti lindi më 27 tetor 1943 në Shkodër,  është një aktore e shquar e Teatrit Kombëtar dhe kinematografisë, bashkëshorte e regjisorit po ashtu mjaft të njohur Dhimitër Anagnosti.

Nuk ka munguar as një urim nga ky i fundit për partneren e tij të jetës. “Ta gezosh diten e lindjes Roza ime”  është shprehur ai.

Roza Anagnosti filloi karrierën ne Teatrin “Migjeni” të Shkodrës dhe ishte vetëm 20 vjeç, hyri në kinematografi me rolin e mësueses në filmin “Detyrë e posaçme” (K. Dhamo, 1963), për të vijuar me një karrierë të suksesshme vitet në vazhdim. Përveç shumë vlerësimeve e çmimeve për karrierën, Roza Anagnosti mban titullin “Artiste e Merituar”..