Në revistën “Esquire” gjithmonë shfaqen personazhe të famshëm të showbiz-it botëror dhe të qenurit në kopertinën e saj është një arritje për çdokënd, pasi është njëra nga më prestigjiozet në botë.
Kjo revistë botohet edhe në Lindjen e Mesme, zonë që njihet për problemet konfliktuale në lidhje me raportin ndaj femrave dhe rëndësisë që ato duhet të kenë në shoqëri.
Por këngëtarja e famshme me origjinë shqiptare, Rita Ora, ka thyer një “tabu”. Ajo është bërë e para femër që del në kopertinën e revistës “Esquire” për zonën e Lindjes së Mesme.
Lajmin e ka bërë të ditur vetë Rita nëpërmjet një postimi në profilin e saj në “Instagram”. Ajo ka publikuar disa foto, teksa falenderon revistën që e bëri të paren femër që pozon për të.
Panorama Plus
© Panoramaplus.al