Shumë shpejt do të nisë transmetimin sezoni i dytë i “Hell’s Kithchen”, ku mesa duket do të jetë shumë ndryshe.
Lajmin e ka bërë të ditur vetë shefi i kuzhinës, Renato Mekolli, i cili shprehet se ai nuk ka ndryshuar dhe do të jetë i njëjti. Por ambientet e “Hell’s Kitchen Albania 2” kanë ndryshua, e do të përfshijnë një kuzhinë moderne dhe gjigante, pishinë dhe kopsht ku konkurrentët do të mund të relaksohen nga nervat e kuzhinës.
Në profilin e tij në “Instagram”, Renato ka publikuar një foto e video nga këto ambiente, ku shihet se çdo gjë po bëhet nga e para.
“Hell’s Kitchen Albania 2. Jeni gati?
Kjo që po ndodh në studion më gjigande “Nova” të Top Channel, që për herë te parë hapet për Hell’s Kitchen, nuk ka ndodhur kurrë më parë në nje Reality Show gatimi. Çdo gjë nga e para: një kuzhinë moderne dhe gjigande, shtëpia më luksoze që ka pasur një Reality Show gatimi deri më tani, pishina dhe kopshti ku do të relaksohen konkurrentët nga nervat e kuzhinës, stresi mes tyre si edhe shumë surpriza të tjera na presin këtë sezon. Bëhuni gati, unë nuk do të ndryshoj, Hell’s Kitchen po!”, shkruan Renato.
Gjithashtu Mekolli ka sqaruar se emisioni i fëmijëve për të cilën kishte premtuar se do të fillonte këto kohë, për shkak të angazhimeve me “Hell’s Kitchen” shtyhet për një moment tjetër.
