Pas disa javësh aludime se Jennifer Lopez është rikthyer në krahët e ish-bashkëshortit të saj, Ben Affleck, më në fund, çifti është fotografuar për herë të parë në momente intime.
Në fotot që po bëjnë xhiron e rrjetit, dyshja shihen duke u puthur gjatë një darke romantike në Malibu, raporton “Daily Mail”.
48-vjeçari ishte bashkë me familjen e këngëtares me famë botërore, me rastin e 50-vjetorit të lindjes së motrës së saj, Linda.
Në disa video që po qarkullojnë nga darka familjare, duket se edhe fëmijët e aktores 51-vjeçare, Max dhe Emme, së bashku me ish-bashkëshortin, Marc Anthony, ishin po ashtu të pranishëm.
Gjatë darkës, binjakët u kthyen nga Affleck dhe Lopez për t’u treguar atyre diçka në një ‘smartphone’. Nuk është diçka e papritur të shohësh Affleck që bashkohet me familjen e madhe të Lopez pasi marrëdhënia e tij me nënën e saj është për t’u pasur zili.
Një burim tha së fundmi se Guadalupe Rodríguez është shumë e emocionuar për romancën e rindezur të vajzës së saj.
