Ndarja e Shakira-s dhe Gerard Pique-s vazhdon të krijojë polemika, pasi po dalin thashetheme të reja për arsyet pse çifti vendosi të ndahej, pasi së fundmi u zbulua se këngëtarja kolumbiane kishte punësuar një detektiv privat dhe përmes tyre kishte zbuluar se futbollisti po e tradhtonte atë.
Është raportuar se Shakira dyshohet se iu drejtua një agjencie për të punësuar detektivë, të cilët do të ndiqnin çdo hap të Pique-s dhe kështu do të zbulonin ‘pabesinë’ e tij, sipas emisionit televiziv spanjoll “El gordo y la flaca”.
Por çfarë provash ka Shakira për tradhtinë e Pique?
U zbulua se Shakira kishte në posedim imazhet e Piques pranë gruas me të cilën dyshohet se e tradhtoi dhe nuk do të dalin në dritë sepse ajo ka paguar për to dhe për të pasur privatësi.
Shakira dhe Pique konfirmuan pak ditë më parë se po ndaheshin pas 12 vitesh lidhje të cilët kanë dhe dy fëmijë, por nuk zbuluan arsyet dhe kërkuan respekt për jetën e tyre.
Në disa media u raportua se mesa duket arsyeja e ndarjes ishte tradhtia e futbollistit të Barcelonës ndaj Shakirës me një vajzë më të re rreth të 20-tave, profesioni i së cilës thuhet se ishte kameriere në një lokal.
Thashethemet për pabesinë e Pique
Disa nga të parët që folën për këtë ishin gazetaret spanjolle Lorena Vazquez dhe Laura Fa në video podcastin e tyre Mamarazzis, duke theksuar se këngëtarja e kishte kapur lojtarin e Barcelonës “me një grua tjetër” dhe “kishte marrë vendimin për t’u ndarë”.
Madje në një moment, nëna e Gavi , shokut të skuadrës së lojtarit në ekipin e parë të Barcelonës, u tha se ka qenë shkaku i ndarjes mes Shakirës dhe Piques. Mirëpo ky thashethem u përgënjeshtrua shpejt nga mediat.
Mediat spanjolle kanë vënë në skenë një tjetër femër si shkaktare të mundshme të këputjes mes kolumbianit dhe Pique, ajo do të ishte e dashura e Riqui Puig.
“Ajo është një mike e të dashurës së Riqui Puig (Gemma Iglesias) , e cila supozojmë se ishte ajo që i prezantoi,” thotë El Periodico.
