Almeda Abazi publikoi dje një video në Instastory, e cila u bë shkak që moderatorja të merrte kritika nga ndjekësit në lidhje me mëmësinë. Ish-missi shfaqet duke i dhuruar një puthje në buzë djalit të saj Efehan.
Mes mesazheve dhe komenteve të shumta që merr në “inbox”, Almeda zgjodhi të bënte publik njërin prej tyre. Një ndjekëse i kishte shkruar: “A mësim të mirë po u jepni këtyre fëmijëve bre, bravo ju qoftë nonave moderne tash! S’po ku ki me më puth veq në gojë a? Turp!”.
Almeda ia ktheu përgjigjen me ironi, duke i shkruar: “Hë se ty po të prisja mi Arjanita, të na mësosh pak si të bëhemi mami”.
Gjatë kësaj periudhë, bukuroshja brune po e shijon në maksimum kohën me djalin dhe vajzën, Alinën, duke mos u angazhuar me asnjë projekt. Më herët, Abazi ka treguar se shtatzënia me Efehanin ka qenë më e lehtë sesa me Alinën. Përveç kësaj, ajo zbuloi se një ndër problemet me të cilat po lufton ende, është rënia e flokëve.
