Kim Kardashian ka zbuluar se vuante nga ‘psoriasis’ (sëmundje e lëkurës) për shkak të dietës së saj trejavore në përpjekjen e saj për t’u përshtatur me fustanin e Marilyn Monroe ‘Happy Birthday, Mr. President’.
Ylli zakonisht ndjek një dietë me bazë bimore, por ajo shpjegoi se duhej të hante mish përpara Met Gala të Marilyn Monroe.
“Psoriaza shpërtheu mbi trupin tim dhe u preka nga artriti psoriatik, kështu që nuk mund të lëvizja dot me të vërtetë”, tha ajo.
“Më duhej të shkoja te një reumatolog që më vuri një steroid. Unë po çmendesha. Ndalova së ngrëni mish dhe gjendja u qetësua.”
Në mini-intervistën e saj me korrespondentin e Vogue, La La Anthony në tapetin e kuq, Kardashian zbuloi se sa kilogramë duhej të humbiste për t’u futur në fustan.
“E provova dhe nuk më përshtatej. Thashë: “Më jepni tre javë kohë”. Më duhej të humbisja 7 kilogramë”, u shpreh Kardashian .
“Ishte një sfidë e tillë. Ishte si një rol filmi. Unë isha e vendosur të përshtatesha me fustanin. Unë nuk kam konsumuar karbohidrate apo sheqer për rreth tre javë. Ne jemi duke organizuar një festë me pica dhe petulla në hotel pas Met Gala.”– rrëfehu atëherë Kim.
