Postoi videon me vjehrrën dhe ndjekësit e quajtën hipokrizi, moderatorja e njohur reagon ashpër (FOTO)
Moderatorja e njohur, Aulona Musta, publikoi një ditë më parë një video ku shfaqej duke u puthur e përqafuar me vjehrrën e saj.
Krahas kësaj video që ajo vendosi ta ndante me ndjekësit e saj në “Instagram”, Aulona shkoi edhe disa fjalë të ëmbla për nënën e bashkëshortit.
“Një vjehrrë si e imja nuk meriton ta urosh u bëfsh 100 vjeçe, por duhet ta urosh “mos vdeksh kurrë, aq e mirë sa je”, shkruante Aulona.
Këto pamje kanë tërhequr menjëherë vëmendjen e të gjithëve, ku disa fansa e kanë uruar për këtë marrëdhënie të veçantë mes tyre, por ka patur të tjerë që e kanë quajtur hipokrizi.
“Mirë që duheni po dashuria mes nuses dhe vjehrrës shihet kur jetojnë të dyja në një shtëpi dhe jo veçmas”, shkruan një ndjekëse, me të cilën kanë rënë dakord edhe disa të tjera.
Aulona i ka lexuar këto komente dhe nuk i kanë pëlqyer aspak. Si pasojë ajo ka vendosur që nëpërmjet një postimi tjetër në “Instagram” të tregojë se jetesa në të njëjtën banesë nuk është ajo që vërteton dashurinë për këtë person të veçantë.
Në postimin e saj Aulona shpjegon se nuk është dakord që nuset të jetojnë me vjehrrën, megjithatë respekti për të nuk duhet të mungojë anjëherë.
Postimi i plotë i moderatores:
“Ky postim u frymezua nga nje postim me pare, ku nisi debati se te thuash qe e do vjehrren ne publik eshte hipokrizi dhe e dyta, se dashuria kuptohet dhe tregohet nese jeton me vjehrren! Cudira shqiptare te importuara nga vendet e lindjes se mesme, te rrenjosura akoma edhe me thelle nga telenovelat turke ku te jetosh 7 familje nen nje cati eshte krejt normale dhe te shnderruar ne menyre jetese krejt normale per shume familje shqiptare qe vazhdojne edhe sot e kesaj dite te perqafojne idene se eshte gjeja me e mire te jetosh me vjehrrin dhe vjehrren!
Jo, nuk eshte! E dini pse? Sepse nuk eshte gje e mire te jetosh as me prinderit e tu pasi ke kaluar te 20-at dhe je gati per t’u perballur vet me jeten! E di qe per shqiptaret ky eshte nje koncept totalisht i papranueshem, por nder te tjera, shqiptaret prandaj vazhdojne te jene nje popull i prapambetur sepse e kane kaq te veshtire t’i largohen koncepteve te tilla prapanike.
Po, e di, jam shume e ndergjegjshme qe per shume veta eshte pamundesia ekonomike qe i detyron qe qendrojne ne nje shtepi. Dhe ky pranohet si fakt, por pertej kesaj cifti i ri duhet te jetoje ne shtepi me vete dhe pike! Dhe po, kur jeton ne shtepi me vete dhe vjehrra respekton hapsirat e tua dhe ti te vjehrres, padyshim qe dashuria dhe respekti eshte me i madh!
Kam fatin e madh qe kam nje vjehrre zonje, aq te qyteteruar dhe te kulturuar saqe te di qe djali i saj ka krijuar familjen e tij dhe duhet te rrije ne shtepi me familjen e tij te re. Te di vendin e saj si nene, si gjyshe, si vjehrre pa kaluar asnje kufij dhe duke bere gjithcka qe marredhenia jone te jete perfekte! Dhe po, qe une ta dua shume!
Prandaj nese dikush ju thote qe per te kuptuar dashurine per vjehrren duhet te jetosh me te, thjesht qeshi ne fytyre dhe thuaj qe per fat te mire vjehrra juaj shikon serialet ne Netflix dhe jo telenovelat turke ? Mbase nuk do ta kuptoje, por c’rendesi ka kjo! Rendesi ka qe ti dhe vjehrra jote te jetoni ne harmoni dhe dashuri, per te miren e familjes se gjithesecilit!”.
© Panoramaplus.al
