Me kalimin e kohës për të menduar dhe rivlerësuar, disa njerëz kanë filluar të eksplorojnë orientime të reja seksuale dhe dëshira të tjera “përtej binares”.
Lauren, 25 vjeç, e identifikuar si biseksuale që nga viti 2014. Ky emërtim për orientimin e saj seksual funksionoi mirë deri në shpërthimin e pandemisë. Me vazhdimin e masterit që u zhvilluan online, ngjarjet sociale dhe ndryshimi i rutinës së saj, Lauren papritmas pati shumë më tepër kohë për të menduar në lidhje me identitetin e saj.
“Pas gjithë asaj kohe më bëri të reflektoj më shumë për marrëdhëniet e mia të kaluara, veçanërisht me meshkujt”, thotë ajo. “Si nuk e kuptova që të gjitha marrëdhëniet që kisha me burrat nuk më kishin pëlqyer aspak?”
Karantinimi u ka dhënë shumë njerëzve mundësinë për të analizuar më thellë elementët e jetës dhe orinentimet të tyre, qofshin këto vende ku jetojnë , punët që punojnë apo marrëdhëniet e tyre romantike dhe familjare . Ndër këto ndryshime intime, disa kërkime tregojnë se qëndrimet e njerëzve ndaj seksualitetit të tyre kanë evoluar gjithashtu në mes të pandemisë.
Aplikacioni i takimeve ‘Bumble’ anketoi më shumë se 4000 përdorues në SHBA, MB, Irlandë, Australi dhe Kanada në gusht 2020 (të dhënat e rishikuara nga BBC Worklife), dhe 21% thanë se po planifikonin të “shprehnin seksualitetin e tyre ndryshe… krahasuar me një vit më parë. ”
Një tjetër sondazh i ‘Bumble’ tregoi se 14% i zhvendosën dëshirat e tyre seksuale gjatë pandemisë , duke zgjedhur, për shembull, marrëdhëniet e të njëjtit seks kur më parë kishin qenë vetëm me ato të gjinive të kundërt.
Për më tepër, hulumtimi i kryer midis marsit dhe korrikut 2020, tregoi se 11% “ndjenin aftësinë e tyre për të qenë të hapur për orientimet e tyre, si rezultat i Covid-19”. Ku raportuan se kjo ndodhi sepse gjatë pandemisë, ata kishin “kohë për veten e tyre për të kuptuar orientimin seksual”.
Para pandemisë, Lauren thotë se mezi kishte kohë të lirë mes punës, shkollës dhe jetës së saj shoqërore.
“Unë nuk mund të përballesha me ndonjë ndryshim të madh të jetës dhe ndryshimi i identiteteve ndihej si një ndryshim i madh në jetë.”-tha ajo
Por izolimi në shtëpi i dha hapësirën që i duhej për të rishqyrtuar seksualitetin e saj. Duke folur me terapistin e saj dhe duke parë gra të tjera që më parë ishin identifikuar si biseksuale, të dilnin si lezbike në TikTok, e bëri atë të identifikohej gjithashtu si lezbike.
“Unë hyra direkt në pandemi”
Megjithëse pandemia uli opsionet e takimeve për shumë njerëz, por disa të tjerë panë si një derë të sapohapur.
Alexa, 24 vjeç, ka qenë gjiithmonë e tërhequr nga gjina mashkullore por tashmë po vinte në dyshim seksualitetin e saj ndërsa ishte në vitin e katërt të universitet përpara se të godiste Covid-19.
Kështu, ndërsa pandemia e shtyu atë të zhvillontë takime nëpërmjet aplikacioneve online të posaçme për të njohur njerëz, Alexa e kuptoi se ishte më e lehtë të bënte ndryshimin rreth llojeve të partnerëve që kërkonte.
Në fillim të vitit 2021, Alexa vendosi të ndërrojë opsiopnin e saj në ‘Tinder’ nga vetëm meshkujt në “të gjithë”. Lehtësia me të cilën ajo mund ta bënte atë ndryshim bëri që eksplorimitë ishte në një farë kuptimi më i ulët.
Ajo ende “nuk ishte e sigurt” për identitetin e saj seksual në atë kohë, por duke ndryshuar cilësimet e aplikacionit të takimeve, “të paktën opsioni ishte i hapur”, thotë ajo.
Ekspertët dhe dashamirët i thanë BBC Worklife se media gjithashtu kontribuoi që njerëzit të rimendonin orientimet e tyre seksuale, duke përfshirë rrjetet sociale, podkastet dhe shfaqjet televizive ,të cilat njerëzit po i konsumonin me ritme më të larta ndërsa izoloheshin në ambiente të mbyllura.
Në të njëjtën kohë, shumë përdorues të TikTok si Violet Turning, një edukatore seksi me bazë në Nju Jork, panë një mori grash të reja që diskutonin ndryshimin e tyre nga identifikimi si lezbike ose biseksuale gjatë pandemisë.
“Unë hyra në pandemi dhe tani jam në një marrëdhënie femër”, thotë Turning.
Disa përmendën “shtypjen” e atyre dëshirave derisa pandemia u dha atyre hapësirë për të eksploruar.
© Panoramaplus.al