Së fundmi është mbajtur në Serbi festivali i këngës “Beozivija 2019”, i cili zgjedh përfaqësuesin e shtetit për në “Eurovision”.
E për herë të parë në historinë e vendit, ka ndodhur që Serbia të zgjedhë si përfaqësuese një këngëtare kosovare.
Bëhet e ditur se ajo është 24-vjeçarja Nevena Bozovic, e cila ka lindur në Mitrovicë ku edhe ka jetuar për disa vite, për t’u zhvendosur më pas në Serbi.
Madje, në profilin e saj në “Instagram”, këngëtarja e ka treguar publikisht prejardhjen e saj.
Nevena do të konkurrojë me këngën “Kruna” që në shqip përkthehet “Kurora”. Në vitin 2013, ajo përfaqësoi vendin e Ballkanit si pjesë e grupit “Moje 3” me këngën “Ljubav Je Suda”, mirëpo nuk arriti të kualifikohej deri në finalen e edicionit.
