Këngëtarja Semi Japuaj ka rrëfyer shpesh lidhjen dhe jetën me ish-partnerin e saj Bojken Lako.
Gjatë mbrëmjes së sotme në Big Brother Vip u transmetua një rrëfim i saj teksa thoshte se Bojkeni ishte dashuria e saj dhe se si i ka ndryshuar jetën.
“Më ndryshoi jetën. Për 9 vite më sillte kafen në mëngjes, donte të mos punoja, të shkollohesha, të merresha me muzikë”.
Këngëtarja është lidhur me Bojken Lakon në moshën 17-vjeçare. Semi tregon se jetonte në Tiranë dhe distanca ndaj familjes nuk ka qenë e lehtë.
Jetesa me Bojkenin e ka ndihmuar, por pas disa vitesh, ata u ndanë. Semi rrëfen se ende sot e kësaj dite ata mbeten shokë të mirë.
“Ishte shumë e vështirë të vendosja të ndahesha nga Bojkeni. Meqë ishim bërë dy shok të ngushtë, pse të mos mbesnim dy shokë të ngushtë. Do të jetë gjithë jetës miku im më i ngushtë”.
