Modelja e njohur Gigi Hadid dhe familja e saj kanë marrë kërcënime me vdekje pasi mbështetën publikisht Palestinën, sipas DailyMail.
Babai i 28-vjeçares, Mohamed Hadid i cili është me origjinë palestineze u kritikua nga qeveria e Izraelit për postimet e tij në mbështetje të popullit palestinez.
Gigi dhe familja e saj kanë ndryshuar numrat e tyre të telefonit për shkak të kërcënimeve, sipas TMZ.
Kujtojmë që së fundmi modelja shprehu mbështetjen e saj për popullin palestinez teksa postoi një grafik në Instagram për konfliktin e fundit.
“Nuk ka asgjë çifute në trajtimin e palestinezëve nga qeveria izraelite. Dënimi i qeverisë izraelite nuk është antisemitik dhe mbështetja e palestinezëve nuk është mbështetje për Hamasin”, thuhej në postimin e modeles.
Babai i saj, Mohamed gjithashtu ndau të njëjtën grafikë në rrjetin e tij në Instagram së bashku me mbishkrimin: “Kaq e thjeshtë”.
Megjithatë, qeveria izraelite iu kundërpërgjigj shpejt modeles, duke postuar në Instagram ndaj komentit të Gigit për konfliktin.
© Panoramaplus.al
