Prej disa ditësh, mbretëresha e muzikës Pop, Madonna u shqetësoi fansat e saj pasi pasi këngëtarja u dërgua me urgjencë në spital pas një infeksioni bakterial.
Megjithatë, artistja është jashtë rrezikut për jetën dhe tani është kthyer në shtëpinë e saj pasi doli nga spitali.
Në rrjet qarkulloi menjëherë lajmi se Madonna ishte shtruar në spital dhe nuk do të ishte në gjendje të përmbushte datat e turneut të saj të ardhshëm botëror të titulluar ‘Celebration’, për shkak të sëmundjes.
Megjithëse u përshkrua si një infeksion serioz bakterial nga njerëzit e afërt të Madonna-s , duket sikur ajo tani do të shërohet plotësisht.
“Ajo tani po pushon në shtëpi dhe po ndihet më mirë”, tha një burim për Rolling Stone.
Ky koment erdhi pas një deklarate tjetër të lëshuar nga menaxheri i këngëtares, Guy Oseary.
“Madonna ka kaluar disa ditë nën kujdesin intensiv por pritet një shërim i plotë. Ndërsa shëndeti i saj po përmirësohet, ajo është ende nën kujdesin mjekësor”-tha ai.
Gjithashtu u raportua nga TMZ se 64-vjeçarja po përballej me një temperaturë të ulët pak para shtrimit në spital.
Ndërsa sëmundja e saj ka qenë një surprizë totale, ia vlen të kujtojmë se artistja mezi priste turneun e saj të ardhshëm, i cili tani ka të ngjarë të riorganizohet.
“Jam e emocionuar të eksploroj sa më shumë këngë që të jetë e mundur, me shpresën që t’u jap fansave të mi shfaqjen që ata kanë pritur”, njoftoi Madonna në një deklaratë për turneun e shumëpritur.
Vëmendja tani do t’i drejtohet rimbursimit të atyre që kishin blerë bileta përpara se të konfirmohej një datë e saktë për turneun.
