Rreth një vit më parë, familja e Bruce Willis bëri një deklaratë publike në të cilën i thanë botës se aktori ishte diagnostikuar me demencë frontotemporale.
“Fatkeqësisht, sfidat me komunikimin janë vetëm një simptomë e sëmundjes me të cilën përballet Bruce. Edhe pse kjo është e dhimbshme, është një lehtësim të kesh më në fund një diagnozë të qartë,” shkroi në atë kohë gruaja e tij, Emma Heming Willis.
Megjithatë, askush nuk tha se do të ishte e lehtë. Kujdesi për aktorin ka rezultuar një detyrë e vështirë, megjithëse Heming Willis e ka përballuar atë me një qëndrim pozitiv.
Ajo iu drejtua ndihmës dhe ekspertëve të jashtëm për të mësuar se si ta përballonte, fillimisht nga këndvështrimi i të shoqit dhe më pas nga këndvështrimi i saj dhe i dy vajzave të tyre.
Emma u tha ndjekësve të saj: “Mesazhi im është i thjeshtë. Kur nuk kujdesemi për veten, nuk jemi të mirë me njerëzit që duam dhe për të cilët duhet të paraqitemi dhe të kujdesemi. As unë nuk e kam të lehtë, por përpiqem. Është një motivim që e përdor çdo ditë për veten time”- u shpreh ajo.
“Fotografitë tuaja, fjalët, mbështetja dhe dashuria për mua dhe familjen time janë ndjerë. Sinqerisht, faleminderit, më ndihmoni. Mendoj se është kaq e rëndësishme për ne që të ndajmë mendimet tona, të cilat për mua mund të ndjehen shumë si errësirë dhe dënim”- vazhdoi aktorja.
“E di që duket sikur jam jashtë, duke jetuar jetën time më të mirë. Më duhet të bëj një përpjekje çdo ditë për të jetuar jetën më të mirë që mundem. Unë e bëj këtë për veten time, e bëj këtë për dy fëmijët tanë dhe Bruce, i cili nuk do të donte që unë të jetoja ndryshe. Kështu që nuk dua të keqkuptohet që jam mirë sepse nuk jam. Nuk jam mirë”, përfundoi ajo.
