Për nga mënyra si u zhvillua, lidhja e Beart Rexhepit dhe Tea Trifonit bëri një bujë të madhe në rrjet.
Me anë të një fotoje në borë, ish-konkurrentja e “Për’puthen” zgjodhi të konfirmonte lidhjen e saj me Beartin pak ditë pasi kishte dalë çift me Andi Shehin nga emisioni i dashurisë.
Si një program që ndiqej nga shumë persona kjo ngjarje u konsiderua si një “tradhti” ndaj publikut, duke iu lënë të besohej diçka që nuk ekzistonte. Mirëpo sot kur ka kaluar kohë nga ai moment, Bearti ka zyrtarizuar lidhjen e tij.
Dhe kur themi zyrtarizuar flasim për një fejesë. Në rrjetet e tij sociale, djali nga Peja ka bërë publike propozimin romantik të partneres, duke u shprehur “Ajo tha po”.
Vetëm rreth 3 muaj nga kjo lidhje e re, Bearti ka vendosur tashmë të fejohet, duke hedhur një hap tjetër në jetën e tij private.
Ndonëse më i dashuruar se kurrë, djali nga Kosova ka preferuar mos t’ia tregojë imazhin partneres së re, duke preferuar ta lërë atë një personazh enigmatik.
Tea Trifoni dhe Beart Rexhepi ishin një ndër çiftet e “Për’puthen” që shkaktuan shumë zhurmë dhe reagime nga ana e publikut.
Kjo sepse ata u bënë bashkë jashtë emisionit pavarësisht se gjithçka nisi aty brenda.
Pasi Tea doli me Andi Shehun nga programi, në rrjet qarkulluan fotot e saj duke u puthur me Beartin.
Ndonëse u kritikuan pafund, dyshja vazhdoi të qëndronte bashkë e të publikonte foto e video nga përditshmëria e tyre me ndjekësit në rrjete sociale.
Por shpejt kjo dyshe i dha fund historisë së tyre pasiononte, duke vijuar me një sërë akuzash dhe thumbash mes njëri-tjetrit në rrjetet sociale.
