Dasma e vitit mund të quhet pa frikë ajo e Armina Mevlanit dhe e Shkëlzen Berishës. Çifti i dha fund zyrtarisht beqarisë pas gati 10 vite marrëdhënie dashurie.
Festa mori të gjithë vëmendjen e çiftit që organizoi gjithçka vetë në një ceremoni totalisht tradicionale. Mirëpo pas dasmës madhështore çifti duket se janë gati të ndërmarrin hapin e radhës, të bëhen me një fëmijë.
Kështu la të nënkuptohej Armina gjatë programit “Goca dhe Gra”. Moderatorja u ngacmua nga koleget e saj të cilat e pyetën nëse ka nisur të kërkojë për emra fëmijësh, mirëpo i habiti të gjithë me përgjigjen e saj:
“Emrat i kam gjetur në moshë shumë të vogël sepse jam e fiksuar me emrat, por tani pas martesës dihet se çfarë vjen”.
Kujtojmë se partneri i blogeres nga martesa e tij e parë është babai i dy fëmijëve, Medinës dhe Lajdonit.
Madje disa kohë më parë, në program u diskutua mbi marrëdhënien e me fëmijët e partnerëve. Sigurisht Armina tregoi eksperiencën e saj, duke u shprehur se nuk pretendon të jetë një nënë për to.
“Unë i kam njohur që 9-vjeç.. jo absolutisht, nuk pretendoj më shumë, madje kam marëdhënie shoqërore me të, i jap këshilla, bëjmë qef. S’mund t’i bëhem mama, se mamanë e kanë, absolutisht,”- u shpreh asokohe Armina.
