Këngëtari kolumbian Maluma është padyshim një ndër artistët më të pëlqyer në botë për stilin, paraqitjen dhe talentin në muzikë. Mirëpo me postimet e tij të fundit në rrjetet sociale ai i ka ‘shokuar’ të gjitha vajzat duke i lënë pak vend imagjinatës me pozat e tij.
Ylli ka postuar një foto ku shfaqet tërësisht i zhveshur. Duke pozuar para një pasqyre të madhe në tualet, këngëtari ka mbuluar pjesët intime me një emoji me zemër të thyer dhe pas tij duken duart e një vajze e cila i ka vendosur ato poshtë tij.
“Sot, 12AM”- ka shkruar këngëtari krahas fotos duke paralajmëruar se do të lancojë projektin e tij më të ri muzikor. Krahas fotos, ndjekësit kanë shpërthyer në komente të shumta.
Rikutojmë se Maluma publikoi rreth dy ditë më parë një video në Instagram ku shihet i shtrirë në krevatin e një dhome, ndërsa xhirimet i bën një modele e veshur me të brendshme. Vajza ecën nëpër dhomë duke filmuar fillimisht Malumën në gjumë, më pas e pozicionin telefonin sipër një komodine dhe heq këmishën që i mbulonte dhe aq pak trup për t’u shtrirë krah këngëtarit.
Fundi i videos zbehet (bëhet blur) dhe publikohet një datë “10 qershor”. “Po e publikoj këtu para se ta shihni diku tjetër,” – shkroi këngëtari krahas videos.
View this post on Instagram
Maluma është në një lidhje me Susana Gómez.
Për të dashurën e Malumës ka shumë pak informacione pasi ajo nuk është personazh publik. Susan dhe Maluma janë në një lidhje që nga fundi i vitit 2020 kur u fotografuan për herë të parë së bashku. Maluma nuk poston foto me të në rrjetet sociale. Megjithatë, ai bëri një përjashtim ditën e Krishtlindjeve kur “falenderoi Santa Claus” për dhuratën e tij të jashtëzakonshme.
View this post on Instagram
Ndërsa Maluma gëzon famën dhe është në qendër të vëmendjes, Susana është një arkitekte nga Kolumbia që jeton larg botës së spektaklit. Gómez është e dashura e parë e autorit të hitit “Corazon” pas ndarjes së tij me modelen Natalia Barulich. E kur me fansat është treguar i rezervuar, gjërat duken shumë serioze në lidhjen e tyre. Maluma e ka prezantuar atë me familjen e tij dhe Susana është tashmë shumë shoqe me Marlli Arias, nëna e Malumës.
Tani që lidhja e tyre është konsoliduar goxha, mund të jetë thjesht çështje kohe që profilet e tyre në Instagram të mbushen me momentet e bukura që fansat e tyre i kanë pritur prej kohësh.
© Panoramaplus.al