Vetëm një javë larg dasmës së saj, Paris Hilton duket se po merr vendime të pasigurta. Së fundmi, ajo ndryshoi vendin ku do tw mbahet ceremonia në minutën e fundit, por jo vetëm kaq.
Një burim për “Page Six” tha se nusja e ardhshme nuk e ka ndarë mendjen për fustanin dhe po mendon ende nëse do të veshë një fustan “Valentino” apo “Oscar de La Renta”. Ajo u pa këtë javë në dyqanin “Valentino” në Nju-Jork me motrën e saj, Nicki Hilton, por një burim thotë se “Oscar” është gjithashtu njw mundwsi.
Për fat të mirë, disa gjëra janë vendosur. Shoqërueset e nuses, të cilat thuhet se janë të gjitha anëtare të familjes, do të veshin fustane rozë të personalizuar nga “Alice + Olivia”, e preferuara e Paris dhe motrës së saj, Nicki. Ndërsa Nicki do të jetë shoqëruesja e nderit, shoqërueset e nuses do të jenë motra e dhëndrit Carter Reum, Halle Hammond; Tessa, gruaja e vëllait të Parisit; vajza e Kim Richards, Whitney Davis dhe vajza e Kyle Richards, Farrah Aldjufrie.
Dasma do të zgjasë tri netë dhe do të zhvillohet në pronën e gjyshit të saj të ndjerë, Barron, në Bel-Air.
“Ndryshoi rreth një javë më parë. Ka ndryshuar disa herë”,- tha një burim. “Fillimisht, ata do të martoheshin në kishë, por e ndërruan vendin rreth një javë më parë.“,- shtoi ai.
Nata e dytë do të jetë një festë me temë karnavalesh, që do të mbahet në Santa Monica dhe nata e tretë, e shtuna, do të jetë një festë me kravata të zeza.
Parisi dhe sipërmarrësi Carter Reum u fejuan në shkurt pas një viti lidhje dhe dasma pritet të jetë një ndër më luksozet që kemi parë.
