Pas një mungese të gjatë në skenë dhe në rrjete sociale, Elvana Gjata është rikthyer më aktive se kurrë më parë.
Përveç komplimenteve të shumta, këngëtarja përballet edhe me ndonjë kritikë, që zor se i kalon pa e vënë re.
Së fundmi, Elvana ndau me të gjithë një foto të vetes të shkëputur nga xhirimet e projektit “Papa” që pritet të publikohet së shpejti.
“Se kur më sheh me crown (kurorë). Like (Si) 1, 2, 3 ke ron ti”, ishte mbishkrimi i këngëtares.
Mirëpo, një nga ndjekëset në llogarinë e saj në Instagram, ka shprehur pakënaqësinë ndaj projekteve të fundit të artistes, për shkak se sipas saj, ato janë në dialektin e Kosovës.
“A nuk mundesh me këndu një këngë me tekst dhe dialekt shqip se ke mbet tu këndu me tekst e dialekt të Kosovës. Gjithë kosovarët këndojnë me dialektin e tyre kurse ju starat e Shqipërisë e keni bezdi me këndu në dialektin e Shqipërisë”, është komenti që ndjekësja ka shkruar.
Elvana nuk ka nguruar t’i kthejë një përgjigje: “Ndaje mendjen ku e ke hallin… Me shqipen a dialektin pjesë e shqipes, apo me Kosovën… domethënë me shqipen prapë”.
