Zyrtarisht jemi në javën e ditëlindjes së Ronela Hajatit.
Plot 33 vjeç mbush këngëtarja me datë dy shtator. Tani është bërë trend që kjo datë e rëndësishme për secilin të pritet madje dhe të festohet një javë rrjesht.
Në rastin e Ronelës, ajo është bërë nostalgjike duke u kthyer shumë pas në kohë kur ishte vetëm 4 vjeç. Hajati ka ndarë me ndjekësit e saj në Instagram, një video ku duket duke kënduar.
“Neve s’na ndau as nata! Meqenëse ka nisur java ime e ditëlindjes, këtu është Ronela 4 vjeç”, ka shkruar ajo krahas videos.
Kujtojmë që Ronela Hajati u shpall fituese e Festivalit të RTSH-së këtë vit, duke përfaqësuar Shqipërinë në “Eurovision”. Këngëtarja nuk arriti të shkonte deri në finale, madje performanca e saj u kritikua shumë në rrjet.
