Luana Vjollca njoftoi largimin e saj pas 15 vitesh punë nga Top Channel disa muaj më parë.
Ishte vetë moderatorja që dha lajmin, ndërsa u shpreh se do kthehej së shpejti në televizion.
Ndërsa pak kohë më parë u përfol se Luana Vjollca ishte në garë me Klea Hutën për moderimin e “Për’puthen”, pas thashethemeve se Bora Zemani do ‘braktiste’ emisionin.
Por moderatorja i ka dhënë fund të gjitha dyshimeve, duke treguar se do rikthehet në ekran me emisionin e saj “Shiko Kush Luan”.
Në një postim në InstaStory, tregoi se programi do të fillojë nga data 1 janar, por nuk u zbulua se në logon e kujt televizioni do të transmetohet.
Kujtojmë që Luana Vjollca u përfol për një betejë me Arbana Osmanin për drejtimin e “Big Brother VIP” dhe më pas me Fjoralba Ponarin për drejtimin e spektaklit “Portokalli”.
Ishin pikërisht hatërmbetjet për këto dy formate që e detyruan të largohej nga “Top Channel”.
/Panoramaplus.al
