Jennifer Lopez mahniti rrjetin me fotot e shkrepura nga ditëlindja e saj e 52-të, një dhuratë që këngëtarja me famë botërore u bëri të gjithë fansave.
Në këtë ditë të veçantë, Lopez vendosi të zyrtarizonte edhe lidhjen me ish-partnerin e saj, Ben Affleck, duke postuar një foto në të cilën shiheshin duke shkëmbyer një puthje romantike, raporton “The Sun”.
Aktorja i mahniti të gjithë edhe me linjat trupore seksi, të cilat i kishte theksuar me veshjen që kishte zgjedhur për të pozuar nga jahti luksoz: bikini portokalli nga ‘Valentino’ dhe një kimono të verdhë nga ‘Dolce & Gabbana’.
Pamjen ia zbukuronte më tej edhe një kapelë nga ‘Nick Fouquet’, së bashku me aksesorë gold dhe bizhuteri.
Jennifer dhe Ben ishin bashkë 19 vjet më parë. Në fillim të kësaj vere, ata u fotografuan në krahët e njëri-tjetrit, pas ndarjes së Lopez me të fejuarin dhe ish-lojtarin e bejsbollit, Alex Rodriguez, me të cilin qëndroi në lidhje për katër vjet.
Affleck dhe Lopez u ndanë në 2004 pasi qëndruan së bashku për më shumë se një vit.
Pas ndarjes së tyre, Affleck u martua me aktoren Jennifer Garner në një ceremoni private. Çifti, i cili ka tre fëmijë së bashku, u ndanë në 2015 dhe u divorcuan zyrtarisht në 2017.
Ndërsa Jennifer është nënë e dy binjakëve, Max dhe Emme.
