31 Gusht, 2022
FB Kryesore Lajmi Vip Panorama Plus

Ndahet me të dashurat sapo mbushin 25 vjeç- Leonardo DiCaprio bëhet meme kudo në Internet, ja më pikantet

4 vjet përpara

Interneti u ndez pas lajmit se Leonardo DiCaprio dhe e dashura e tij shumë më e re, Camila Morrone u ndanë pas katër vitesh lidhje. Përdoruesit e Twitter-it e kthyen në ‘meme’ menjëherë 47-vjeçarin, i cili thuhet se shoqërohet vetëm me femra nën 25 vjeç – për ndarjen e tij nga modelja, e cila mbushi 25 vjeç në qershor.

“Ndoshta Leonardo DiCaprio e urrente 11 shtatorin aq shumë sa nuk mund të lidhet me gra që e mbajnë mend atë. a ju ka shkuar në mendje kjo”, tha me shaka një përdorues i Twitter.

“Ndoshta Leonardo DiCaprio ndihet keq për të gjitha gratë që nuk mund të marrin me qira një makinë deri në moshën 25 vjeç dhe në fakt është një djalë vërtet i mirë. A ju ka shkuar ndonjëherë në mendje kjo,” shkroi një i dytë.

“Leonardo Dicaprio kur të dashurat e tij mbushin 25 vjeç,” një tjetër përdorues i Twitter shkroi në një video të një gruaje që hedh një fëmijë në zjarr.

“Vajza që Leonardo DiCaprio do ta braktisë kur të jetë 72 vjeç, lindi sot”, tha një tjetër.

“Nuk ka asnjë fenomen në këtë planet më të besueshëm se Leonardo Dikaprio që ndahet me të dashurat kur ato bëjnë 25-vjeç, statistikat janë befasuese”, shkroi dikush tjetër.

“Leonardo DiCaprio sapo truri i të dashurës së tij përfundon së zhvilluari,” postoi një tjetër krahas një videoje të Miley Cyrus duke dhënë puthjen e lamtumirës në “Hannah Montana”.

“3 gjëra janë të sigurta në jetë: – vdekja – taksat – Leonardo DiCaprio që ndahet me të dashurën e tij para se korteksi i saj para-frontal të zhvillohet plotësisht”, shkroi një person tjetër.

“Mendimi i Leonardo DiCaprio-s që mund të takohet me dikë të lindur në vitet 2000 është në të vërtetë i tmerrshëm,” ndau një tjetër përdorues i rrjetit.

“Në dy vjet, kur Variety të njoftojë se Leonardo DiCaprio dhe Olivia Rodrigo kanë filluar të takohen, do të jetë një ditë e vështirë”, shkroi dikush në Twitter, duke iu referuar këngëtares 19-vjeçare.

“Më duhet të di se si Leonardo DiCaprio i bën këto ndarje. A fillon ai të zgjedhë zënkat muaj para se të mbushin 25 vjeç për të qenë më pak i besueshëm? A zgjohet në ditëlindjen e tyre me një shënim që thotë ‘Më fal, nuk mund. Mos më urre’ Dikush ju lutem të hetojë,” shkroi dikush tjetër, duke iu referuar shënimit që Carrie Bradshaw mori nga Burger në një episod të “Sex and the City” .

“Tymi i bardhë ka dalë nga oxhaku në krye të shkollës së mesme të Holluwood verior, duke sinjalizuar se Leonardo DiCaprio ka zgjedhur një të dashur të re”, shkroi një tjetër, duke bërë një krahasim me mënyrën se si Vatikani sinjalizon zgjedhjen e një Pape të ri.

“Titanic mbush 25 vjet këtë vit dhe mendoj se Leonardo DiCaprio nuk do të dëshirojë më të jetë në të”, tha një tjetër.

“A e keni menduar ndonjëherë se Leonardo DiCaprio është kaq krenar për punën e tij në Titanic, ai shoqërohet vetëm me gra që janë aq të mëdha sa ta kenë parë kur u shfaq në premierë, në mënyrë që ai të mund të ndajë momentin e veçantë të shikimit të tij për herë të parë. A ju ka shkuar në mendje kjo gjë,” shkroi dikush tjetër.

‘People’ raportuan të martën se fituesi i Oscarit ishte ndarë nga ylli i “Daisy Jones & The Six”. Lajmi erdhi pasi dyshja u panë duke pasur një bisedë të tensionuar në maj, ndërsa DiCaprio ngushëllonte Morrone në plazh në Malibu. Aktori nxiti më tej spekulimet se ai dhe aktorja ishin ndarë  pasi ai u p nëpër Evropë vetëm këtë verë.

DiCaprio ishte në lidhje me Gisele Bündchen nga viti 2000 deri në 2005. Ai dhe Morrone filluan të takoheshin në vitin 2017 kur ajo ishte vetëm 20 vjeç. Ata zyrtarizuan lidhjen e tyre në shfaqjen e çmimeve ‘Oscar 2020’.

Morrone ka mbrojtur diferencën e tyre 23-vjeçare në të kaluarën, duke thënë për ‘Los Angeles Times’ në 2019, “Ka kaq shumë marrëdhënie në Hollywood – dhe në historinë e botës – ku njerëzit kanë diferenca të mëdha në moshë. Thjesht mendoj se çdokush duhet të jetë në gjendje të lidhen me kë dëshiron të lidhet.”

Femra të tjera të njohur që kanë qenë të lidhur me DiCaprio dhe ishin 25 vjeç ose më të reja në kohën e lidhjes së tyre përfshijnë Kate Moss, Helena Christensen, Naomi Campbell, Bar Refaeli, Nina Agdal dhe Gisele Bündchen, me këtë të fundit ai ishte në lidhje për gjashtë vjet deri në 2005.

Me sa duket, mosha ka rëndësi në fund të fundit.

© Panoramaplus.al