Rezarta Shkurta dhe bashkëshorti i saj, Ermal Hoxha, kanë udhëtuar drejt Kretës, për të kaluar disa ditë pushimi. Çifti i sapomartuar ka ndarë në llogaritë e tyre në Instagram disa nga momentet më të bukura dhe të gëzueshme që po kalojnë me njëri-tjetrin në Greqi.
Në foton e parë që Rezarta ka publikuar sot, ajo shfaqet e veshur me një body të zi, teksa pozon krah Ermalit. “Mirëmëngjes” ishte mbishkrimi që këngëtarja zgjodhi për imazhin e bukur.
Ndërkohë, në foton e dytë që Shkurta publikoi, dyshja shfaqen shumë të afërt. Rezarta shihet e shtrirë në shezlong, ndërsa bashkëshorti i saj është afruar dhe me njërën dorë i ka prekur të pasmet.
“Naaa oreee. Ça i bën çupës Ermal Hoxha”, shkroi me shaka artistja krahas fotos, ku shfaqet duke qeshur.
Dy muaj më parë, Rezarta Shkurta së bashku me nipin e ish-diktatorit, Enver Hoxha, kurorëzuan dashurinë e tyre me martesë. Pas 17 vitesh, ata i thanë “PO!” përgjithmonë njëri-tjetrit në një jaht luksoz në një nga bregdetet shqiptare, me një dekor të mrekullueshëm.
Rezarta Shkurta ndau me ndjekësit pamje nga dasma e saj në perëndim të diellit ku ngjyrat që mbizotëronin ishin e bardha dhe ajo rozë.
Gjithashtu, publikoi foto të unazës së martesës shoqëruar me mbishkrimin: “Një dashuri nga dashuria ime”, referuar bashkëshortit të saj.
Në një nga videot, shihet edhe vajza e çifti, Hera, që duket mjaft e lumtur në ceremoninë e martesës së prindërve të saj.
Rezarta Shkurta dhe Ermal Hoxha duket se i kanë rezistuar çdo lloj vështirësie në marrëdhënien e tyre dhe janë më të lumtur se kurrë në krah të njëri-tjetrit.
Ish-nipi i diktatori, pas daljes nga burgu i propozoi për martesë biznesmenes në Dubai, në janar të vitit 2019.
Çifti kishin planifikuar të martoheshin në vitin 2020, por për shkak të pandemisë, planet ndryshuan dhe duket se pritjes i erdhi fundi pas 17 vitesh histori dashurie.
