Një ngjarje e rëndë e raportuar ditën e hënë (29 gusht) ka tronditur Kosovën por jo vetëm. Një 11-vjeçare në Prishtinë është dhunuar seksualisht nga 5 persona për disa orë me radhë.
Ngjarja ka ngjallur reagime të shumta nga bota e politikës, shoqëria civile por edhe personazhe publike. Së fundmi, ka qenë Gramoz Aliu i njohur si Mozzik, i cili reagimin e tij e ka çuar më tej duke iu bërë thirrje publike të gjitha vajzave shqiptare.
Reperi duke iu kërkuar që të mos kenë frikë, iu thotë të gjitha vajzave që hasen edhe me ngacmimin më të vogël, t’u drejtohen institucioneve përkatëse.
“Të gjitha femrat që kanë kërcënime, që kanë presion e që dhunohen nga meshkujt, lajmërohuni, denonconi mos u frikësoni! Lajmëroni mos të ua ndien hiç. Edhe për çdo fjalë ngacmuese që merrni lajmëroni institucionet”, -shkroi Mozzik.
“Mbani fakte! Duhet të jeni të pajisur me fakte, argumente për çdo dhunë, presion të mundshëm nga një mashkull idiot. Askush në këtë jetë nuk mundet me ta blerë e kufizuar lirinë tënde! Parandaloni rreziqet. Sot kemi të bëjmë me gjithçka në rrugë dhe ju e dini mirë këtë”,-përfundoi reperi.
Arbana Osmani, Dafina Zeqiri, Tayna, Fifi, Tuna, Yll Limani, Gold AG, Dj Geek, Arta Nitaj, Argjira Spanca, Einxhel Shkira, Beatrix Ramosaj, Ron Zaiti – janë disa nga artistët e tjerë të njohur që kanë reaguar në lidhje me rastin e dhunimit të së miturës, ndërsa edhe kanë bërë thirrje për protestë.
© Panoramaplus.al