Wanda Nara ka qenë shumë pranë divorcit me Mauro Icardin, por duket se çifti ka gjetur përsëri gjuhën e përbashkët. Gjithsesi, Icardi duhet të jetë i ndërgjegjshëm se nëse do të shtyjë Wanda Narën drejt ndarjes, duhet të bëhet gati për pasojat.
Në divorcin e mëparshëm, atë që erdhi pas martesës së Wanda Narës me Maksi Lopez, gjërat u mbyllën në mënyrë të rrëmujshme dhe jo vetëm në gjykata me një akord për fëmijët që u gjet vetëm pas shumë vitesh.
Në emisionin “A La Tarde” në Argjentinë, janë treguar prapaskenat e asaj ndarje që çoi në lidhjen e modeles me Mauro Icardin, e cila sipas opinionistit Luis Ventura, ka ardhur si pasojë e tradhtive të Maksi Lopez.
“Maksi Lopez dilte edhe me vajza të tjera dhe disa edhe i çonte në shtëpinë e tij”, tha ai, me konfirmimin që erdhi nga një opinionist tjetër i këtij emisioni, gazetari i skandaleve Diego Estevez. “Kur e mësoi, Uanda mori një shkop bejsbolli dhe i shkatërroi të gjitha makinat e të shoqit”, tregoi ai për mënyrën se si krisja mes saj dhe Maksi Lopez u bë e pariparueshme, Mauro Icardi është i paralajmëruar…/ PANORAMASPORT.AL
© Panoramaplus.al