Merr fund romanca mes Johny Deep dhe avokates së tij

Johnny Depp dhe Joelle Rich, avokatja që e përfaqësoi në gjyqin për shpifje në Mbretërinë e Bashkuar, nuk po takohen më.

Lajmi se ata janë ndarë vjen vetëm pak muaj pasi mediat e huaja raportuan se mes aktorit hollivudian, 59 vjeç dhe avokates londineze kishte nisur një romancë.

Rich ishte në ekipin ligjor të Depp-it gjatë çështjes së tij për shpifje kundër The Sun, të cilën ai e humbi në nëntor 2020.

Ai paditi gazetën në Mbretërinë e Bashkuar që e quajti atë dhunues të gruas së tij, Amber Heard por gjykata mbështeti pretendimet e gazetës britanike si “thelbësisht të vërteta”.