Ndonëse secili ka përkrahësit e vet, gara midis këngëtarëve është kthyer në një “luftë të ftohtë”.
Sezoni i verës është periudha perfekte, për të kuptuar aktivitetin e secilit artist. Duhet ta pranojmë që pjesa më e madhe e këngëtarëve shqiptar janë në kulmin e karrierës së tyre duke performuar brenda dhe jashtë vendit.
Një ndër emrat më të lakuar është edhe Dafina Zeqiri. Ndonëse prej shumë vitesh në skenë, ajo akoma është e freskët me hite.
Së fundmi, këngëtarja ka postuar në Instastoryn e saj, një përmbjedhje të disa prej koncerteve të saj të fundit, ku pjesëmarrja dhe atmosfera janë kryefjala.
Për arritjet deri tani, ajo ka marrë edhe një dhuratë nga menaxheri i saj. Bëhet fjalë për një varse me kokën e dhisë, në gjuhën moderne të thënë “GOAT” që përkthehet “Më e mira e gjitha kohrave”.
Kujtojmë që nga ana personale, Dafina është në një lidhje me Dj e saj, Genc Halimin, ose i njohur nga të gjithë si Dj Geek.
Ata e konfirmuan romancën e tyre në fillim të 2020. Për muaj me radhë ata u vendosën në qendër të vëmendjes, për lidhjen e papritur të dashurisë dhe ndarjen po aq të shpejtë të tyre.
Vetëm disa muaj nga lidhja e tyre, Dafina deklaroi se kishin vendosur të ndahen. Këngëtarja tregoi se i ishte dashur të zgjidhte mes lidhjes me të dhe karrierës, ndaj vendimi më i mirë i momentit sipas Dafinës ishte të zgjidhte karrierën.
Ndonëse të ndarë ata vijuan të shoqërohen me njëri-tjetrin dhe të punonin si më parë duke u shfaqur kudo bashkë. Në fund të 2021, Dafina dhe Geek konfirmuan rikthimin me njëri-tjetrin dhe që atëherë janë shfaqur shumë të lumtur dhe të dashuruar.
