Arjola Demiri ka rrëfyer histori të ndryshme nga jeta e saj personale në shtëpinë e “Big Brother VIP”. Aktorja ka folur për divorcin e vështirë dhe ka treguar se si e fali tradhtinë e ish-bashkëshortit për plot gjashtë vite.
Aktualisht, artistja është në proces gjyqësor me ish-partnerin për kujdestarinë e fëmijëve. Ndër të tjera, Demiri ka zbuluar se është dhunuar fizikisht dhe gjithashtu ka abortuar dy binjakë.
Mbrëmjen e djeshme, teksa po bisedonte me disa prej banorëve në oborrin e shtëpisë, Arjola nisi të fliste për raportet që ka me meshkujt në përgjithësi. Demiri tha se shumica e tyre kanë frikë t’i afrohen se nuk e përballojnë dot.
Pjesë nga biseda:
Arjola: Mua në përgjithësi meshkujt më kanë frikë.
Donaldi: Po, pra, sapo ta thash.
Arjola: Më kanë frikë dhe bëjnë mirë që më kanë frikë.
Donaldi: Kanë frikë se nuk të përballojnë dot.
Arjola: Edhe ajo, edhe të gjitha që ta marrin vesh.
Donaldi: Mos guxoni kot. Po guxove…
Arjola: Bëjnë mirë që të më kenë frikë se s’më përballojnë dot.
Gjatë lojës së sinqeritetit të zhvilluar pak ditë më parë, Arjola zbuloi arsyen pse nuk ka dikë në jetën e saj. Ajo u pyet nga Einxhel: “Nuk e ke kërkuar apo nuk të ka ardhur partneri ideal?”.
“Në asnjë moment nuk jam shfokusuar që të krijoj një lidhje, sepse për shkak të magnetit që kam e di që në jetën time do vijnë meshkuj posesivë që do më mbyllin diku. Nuk e kam kërkuar dikë fare. Njeriu i duhur nuk ka ardhur ende. Dua që të kem një marrëdhënie të konsoliduar jashtë pragut të shtëpisë time. Fëmijët e mi janë fëmijët e mi. Shtëpia ime me fëmijët e mi, është vetëm e jona… jashtë pragut të derës po!”,- u përgjigj Arjola.
