Tina Turner, këngëtarja ikonë e njohur si “Mbretëresha e Rock and Roll”, tani është përjetësuar me një kukull Barbie.
Kukulla u frymëzua nga hiti i Turner, “What’s Love Got to Do With It”, që fitoi Grammy.
Barbie është krijuar me veshjen e Turner në videoklipin e këngës. Kukulla mban veshur një fustan mini të zi, xhaketë xhins dhe vathë, së bashku me frizurën e saj të famshme.
Kukulla Tina Turner shitet për 55 dollarë në faqen e internetit të Mattel. Turner i bashkohet disa grave të tjera të njohura që janë nderuar me Barbie, si biznesmenja dhe filantropistja Madame C.J. Walker, primatologia Jane Goodall dhe aktorja dhe aktivistja për të drejtat transgjinore Laverne Cox.
“What’s Love Got to Do With It” u publikua në vitin 1984. Kënga, marrë nga albumi i pestë solo i Turner, mori tre çmime në Grammy 1985 dhe u fut në Grammy Hall of Fame në 2012.
