Edhe pse deklaroi se Fifin e sheh thjesht si shoqe, Graniti ua ka bërë të qartë të gjitha vajzave brenda shtëpisë së “Big Brother VIP” se nuk do të krijojë lidhje me to. Mbrëmjen e djeshme, ish-futbollisti vendosi që të flasë me Fifin për këtë gjë.
Ai i tha këngëtares se jo vetëm me të, por edhe me vajzat e tjera ka vetëm shoqëri dhe deri në moment të fundit që do të jetë pjesë e këtij reality show, nuk do të krijojë asnjë lidhje romantike.
“Edhe deshta me të thon që deri në sekond të fundit kam potencu që jena shokë, edhe me ato… Edhe s’ka për të ndodhë asgjë më shumë. More nesër marr valixhet edhe eci! S’ka problem, pajtona. Po unë jam Graniti, qe ky jam! Ju pëlqen mirë, s’ju pëlqen okay”,- u shpreh Graniti.
Ndërkohë, kur ishte në dhomën e lavanderisë me Fifin, ai tha se nuk ndihet krenar me veten, sepse e di që ka potencial që të bëjë më shumë se kaq.
“Ça kam bo deri sot e kam bo vetë, pa ndihmën e kurrkujt. Edhe kjo gjithmonë më ka vlejt. Deri diku jam krenar me veten. Por jo plotësisht se e di që kam potencial me bo hala ma shumë. Ma merr menja që ka me ardh edhe ajo”,– i tha ish-futbollisti këngëtares.
