Prej pak kohësh, në rrjet po aludohet se Lumi B dhe bashkëshortja e tij, Miranda, do të bëhen prindër për herë të dytë.
Mbrëmjen e djeshme, 32-vjeçarja vendosi të realizojë një intervistë virtuale me ndjekësit e saj në Instagram për t’u shuar kureshtjen të gjithëve.
E pyetur nëse është shtatzënë, Miranda tha: “Unë s’e di që jam”, duke nënkuptuar se nuk është në pritje të ëmbël.
Lumi B dhe Miranda janë prindër të një djali, të cilin e kanë pagëzuar me emrin Blin.
E pyetur se sa fëmijë të tjerë dëshiron të ketë dhe të çfarë gjinie, ajo u përgjigj:
“Tre kismet. Më së pari, shëndoshë, e së dyti, djemtë i dua shumë, kështu që djalë”.
Në videoklipet e Lumit ka edhe vajza hot e në lidhje me këtë, ndjekësit e pyetën nëse bëhet xheloze. Miranda tha: “Asnjëherë, atë punë e ka”.
Ndonëse duket sikur këngëtari është më i shkurtër, Miranda zbuloi se në të vërtetë është e kundërta, pasi partneri is aj është më i gjatë.
“Pse nuk poston foto me Lumin?”, e pyeste një tjetër.
“500 herë i jam përgjigjur kësaj pyetjeje. Për të qenë e sinqertë, shumë rrallë bëjmë foto, s’jemi ne ‘insta-couple (çift Instagrami)… edhe ato që i bëjmë, i lëmë për kujtim në telefonat tanë”.
Miranda nuk e pati aspak problem të pranojë publikisht se ka bërë ndërhyrje estetike në hundë dhe kjo është e vetmja gjë që ka ndryshuar tek vetja.
